रामकुमार श्रेष्ठनवलपरासी, १० जेठ । नेपाली काँग्रेसका नेता रामचन्द्र पौडेलले देशलाई नेपाली कांग्रेसले मात्र निकास दिन सक्ने बताएका छन् ।
उनले देशलाई उचित निकाश दिनु पर्ने बेला आएको र त्यसका लागि कांग्रेसले निकाश दिने बताएका हुन् ।
सोमबार रिपोर्टस क्लब नवलपरासी शाखाले परासीमा आयोजना गरेको साक्षात्कार कार्यक्रम बोल्दै नेता पौडेलले मधेषका जायज मागलाई सम्बोधन गर्न र आन्दोलरत पक्षलाई सरकारसंग सहमति गराउन काँग्रेस अघि बढ्ने बताएका हुन् ।
सरकारले जनताको उत्तरदायीत्व वहन गर्न नसकेको टिप्पणी गर्दै नेता पौडेलले अब काँग्रेस लोकतन्त्रलाई संस्थागत गर्न साथै संविधान कार्यान्वयनतर्फ लाग्ने बताए ।
भुकम्प पडितहरुको समस्या समाधान गर्न सरकार गम्भीर नभएको आरोप लगाउदै नेता पौडेलले देशमा भष्ट्राचार, महंगी र कालोबजारी मैलाउदै गएकोप्रति चिन्ता व्यक्त गरे ।
सरकारले स्थानीय निर्वाचन घोषणा गरेर उल्टो बाटो हिड्न खोजेको आरोप लगाउदै नेता पौडेलले मुलक संघीयतातर्फ उन्मुख भएकाले सबै दल मिलेर संघिय संरचना अनुसार गाउँपालिका र नगरपालिकाको निर्वाचनतर्फ लाग्नुपर्ने बताए ।
Post a Comment