ज्ञानु पंगेनी
नवलपरासी ,जेठ ३
पिकनिक खानेक्रममा नारायणी नदिमा वेपत्ता भएका एक जना आईतवार साझ मृत अवस्थामा फेला परेका छन ।
ईलाका प्रहरी कार्यालय नवलपुरका अनुसार गत शुक्रवार गैडाकोट १७ शिवघाट स्थित नारायणी नदि किनारमा पिकनिक खान गएको समय पौडि खेल्ने क्रममा २ जना वेपत्ता भएका थिए वेपत्ता भएका मध्ये जिल्लाको रुपौलिया गाविस ६ बस्ने १८ वर्षका विष्णु प्रसाद चौधरी मृत भेटिएका हुन ।
उनको शव पोष्टमार्टमका लागि भरतपुर अस्पतालमा राखिएको छ । उनीसंगै वेपत्ता भएका सोहि ठाउका २८ वर्षको खेम मुखिया भने अझै फेला नपरेको प्रहरीले जनाएको छ ।
उनीहरु दलदलेको एक वयल्डिङ्ग पसलमा काम गर्दै आएका थिए ।
यसैबिच गैडाकोट ६ नमुना बोटे टोल स्थित नारायणी नदिमा अर्को एक जना वेवारिशे शव फेला परेको छ ।
आईतवार साझ नदिमा तैरिरहेको अवस्थामा शव स्थानीयले देखेर प्रहरीलाई खबर गरेका थिए ।
ईलाका प्रहरी कार्यालय गैडाकोटका अनुसार ३०÷३५ वर्षको जस्तो देखिने मंगोलियन अनुहारको ५ फुट ६ ईन्चको गहुगोरो वर्णको पुरुषको शव फेला परेको हो ।
शव पोष्टमाटको लागि दुम्कौली प्राथमिक स्वाथ्य केन्द्रमा राखिएको प्रहरीले जनाएको छ ।
Subscribe to:
Post Comments
(
Atom
)
Post a Comment