कावासोती, २९ जेठ ।
नवलपरासीको कावासोती ४ हसौरामा रहेको सरस्वती उच्च माविमा आइतबार विद्यालय शान्ति क्षेत्र सम्बन्धि अभिमुखीकरण कार्यक्रम भएको छ ।
कावासोती बाल सञ्जाल र दिप आदर्श बाल तथा युवा सरोकार मञ्च कावासोतीको आयोजनामा भएको कार्यक्रममा विद्यालयका विद्यार्थी र अभिभावकहरुलाई विद्यालयमा शान्ति क्षेत्रको बारेमा जानकारी गराएका थिए ।
कार्यक्रममा एक सय ६० जनाको सहभागिता रहेको थियो । कार्यक्रममा शोभा जिसीले सहजीकरण गरेका थिए ।
यसैबीच सरस्वती उच्च मावि हसौरामा शान्ति समूह समेत गठन गरिएको छ । मुक्तबहादुर गुरुङको अध्यक्षतमा ७ सदस्यीय शान्ति समूह गठन गरिएको हो । जसको सदस्यमा विष्णुमाया गौडेल, हरिमाया पाण्डे, हुमबहादुर रजाली, शान्ति अधिकारी, पुष्पा डुम्रे र प्रशन्न पाण्डे रहेका छन् ।
यो शान्ति समूहले विद्यालयमा दण्डरहित वातावरणमा अध्ययन अध्यापन भए नभएको अनुगमन गर्ने छ।
Post a Comment