कावासोती, १ असार ।
नवलपरासीको तिलकपुर गा.बि.सको बुधबार भएको सार्बजनिक सुनुवाईमा गाविसका कर्मचारीले सेवाग्राहीको काम बेलामा नगरिदिएको गुनासो गरेका छन् ।
सार्बजनिक सुनुवाई कार्यक्रममा सहभागिहरुले गाविसको काम कारबाहि प्रति असन्तुष्टि यक्त गरेका हुन् ।
सेवाग्राहिहरुको काम समयमा नगरिदिने, आलटाल गर्दै दुःख दिने गरेको भन्दै सेवाग्राहीले गुनासो गरेका थिए ।
सहभागिहरुले गाबिस सचिवको कार्यसम्पादन शैलीमा समेत रोस प्रकट गरेका थिए । कार्यक्रममा उठेका प्रश्नहरुको जवाफ दिदै गाविस सचिव सकुन्तला शर्माले आफुले भ्याएसम्म समय दिएर काम गर्दै आएको र काम गर्ने शिलसिलामा दोश्रो ब्यक्ति लिएर आउदा काम गर्न अप्ठ्यारो हुने भन्दै सेवा ग्राहकलाई सोझै आफुसंग आउन अनुरोध गरे ।
सचिव शर्माले सबैले सहयोग गरे काम गर्न सहज हुने भन्दै सहयोगका लागि आग्रह समेत गरे ।
कार्यक्रममा बोल्दै चोलाकान्त पौडेल, राधेश्याम चौधरी, नारायण पाण्डे लगायतले स्थानीय स्तरसम्म सबैको पहँुच पुग्नेगरी काम गर्नु पर्नेमा जोड दिए ।
Post a Comment