नवलपुर, १३ चैत्र । विप्लपको नेपाल कम्युनिष्ट पार्टी निकट अनेरास्ववियु क्रान्तिकारीको राष्ट्रिय सम्मेलनले ३० बर्ष माथिकालाई विद्यार्थी संगठनबाट विदा गरेको छ ।
फाल्गुन २७ देखि ३० सम्म दाङमा भएको २१ औं राष्ट्रिय सम्मेलन र त्यस पछि नवलपरासीको गैडाकोटमा भएको विस्तारित वैठकले यस्तो निर्णय गरेको हो ।
अनेरास्ववियु क्रान्तिकारी नवलपरासीले आयोजना गरेको घोषणा सभामा यस्तो जानकारी गराइएको थियो ।
जिल्ला अध्यक्ष नविनको अध्यक्षतामा भएको कार्यक्रममा बोल्दै अध्यक्ष नविनले सम्मेलनले निजी विद्यालय र निजी क्याम्पसले लिने गरेको मनपरी शुल्क विरुद्ध आन्दोलन थाल्ने निर्णय भएको पनि बताए ।
कार्यक्रममा नेकपाका नवलपुर सेक्रेटरी मंगलसेनले शिक्षा नैसर्गिक अधिकार भएपनि निशुल्क हुन नसक्नु दुर्भाग्य भएको बताए ।
Post a Comment